НУУЦЛАЛЫН БОДЛОГО

Бид зөвхөн захиалгыг биелүүлэхэд шаардлагатай мэдээллийг авдаг. Доор юуг, хаана хадгалдгийг нэг бүрчлэн бичлээ.

Бидний цуглуулдаг мэдээлэл

Та зөвхөн захиалга өгөх үедээ хувийн мэдээллээ өгнө. Дэлгүүрийг үзэхэд ямар ч мэдээлэл шаардахгүй.

Төлбөрийн хуудсанд дараах мэдээллийг авна:

• нэр
• утасны дугаар
• и-мэйл хаяг
• хүргэлтийн хаяг — дүүрэг, гудамж, байр, орц, хаалга, шуудангийн код
• нэмэлт тэмдэглэл (сонголтоор) — жишээ нь ойролцоох барилга

Эдгээр нь захиалгыг бэлдэж, хүргэж, тантай холбогдоход хэрэглэгдэнэ. Өөр зорилгоор ашиглахгүй.

Бид юу цуглуулдаггүй вэ

• Бид картын дугаар авдаггүй. Төлбөрийг QPay дамжуулж, банкны апп дотор хийгддэг.
• Бид сурталчилгааны хяналт (tracking) ашигладаггүй. Google Analytics, Facebook Pixel зэрэг гуравдагч талын хэмжигч энэ сайтад байхгүй.
• Бид бүртгэл шаарддаггүй. Нууц үг байхгүй тул алдагдах нууц үг ч байхгүй.

Таны хөтөч дээр хадгалагдах зүйл

Дараах мэдээлэл зөвхөн таны хөтөч дээр үлдэнэ, бидэн рүү илгээгдэхгүй:

• Сагс — сонгосон бараанууд. Хөтөчөө хаагаад буцаж ирэхэд сагс хэвээр байхын тулд хадгалагдана.
• Төлбөрийн маягтын ноорог — та буцаад засах үед бөглөсөн зүйл алга болохгүйн тулд. Таб хаагдахад устана.
• Захиалгын баталгаа — захиалга өгсний дараа баталгааны хуудсыг харуулахад ашиглагдана. Таб хаагдахад устана.
• Хэлний сонголт — монгол эсвэл англи. Нэг жилийн хугацаатай күүки.

Гуравдагч талууд

Энэ сайт нь ажиллахын тулд дараах үйлчилгээг ашигладаг:

• Dealy (DealyBond) — дэлгүүрийн бүтээгдэхүүн, захиалгын систем. Таны захиалгын мэдээлэл энд хадгалагдана.
• QPay — төлбөрийн үйлчилгээ. Төлбөрийн хуудсанд банкны апп-уудын жагсаалт харагдана.
• Cloudflare Turnstile — захиалга өгөхөд робот эсэхийг шалгах. Таны нэр, хаяг зэрэг мэдээллийг хардаггүй.

Үсгийн фонт зэрэг бусад бүх зүйл манай өөрсдийн серверээс ачаалагддаг.

Захиалгаа хэрхэн харах вэ

Захиалга өгсний дараа танд хувийн холбоос өгөгдөнө. Уг холбоос нь таны захиалгын түлхүүр тул бусадтай хуваалцахгүй байхыг зөвлөж байна.

Холбоосоо алдсан бол захиалга хайх хуудсаар захиалгын дугаар болон утасны дугаараа оруулж олох боломжтой. Хоёуланг нь зөв оруулсан үед л захиалга харагдана.

Мэдээллээ устгуулах

Захиалгынхаа мэдээллийг устгуулах, эсвэл ямар мэдээлэл хадгалагдаж байгааг мэдэхийг хүсвэл бидэнтэй холбогдоно уу. Хүсэлтийг хүлээн авмагц шийдвэрлэнэ.